star-starry-sky-night-background-sky-space-night-sky-cosmos-constellation.jpg

POKÉMON GURE MUNDUA - 3. MAILA

BIZIGAI!

Jada bi domina irabazi eta bi aldizkari ale idatzi ditugu, pixkanaka Pokémon Artxibo nagusiko lana berreskuratzen goaz, eta gero eta entrenatzaile hobeagoak gara.

Abenturaren maila honetan Aiko doktoreak eskola ortua zaintzera etabertako produktuekin errezetak egitera animatzen gaitu, ondoren aldizkariaren hirugarren alea idazteko.

Era berean eta Pokémon entrenatzaile gisa gure hirugarren dominaren bila joango gara, horretarako Gardenia entrenatzaileari aurre eginez. Gai izango gara gure Pokémon entrenatzaile eta ikerlari trebetasunak erakusteko? Goazen abenturaren ibilbide berri honi hasiera ematera!

Naranja Negocios Servicios Sitio Web (3).png

IKUSI MAILA HONETAKO TRAILERRA

ABATARRA AUTOEBALUATZEKO ERRUBRIKA (2).png

IRAKASLEARENTZAKO GIDA

FUNTZESKO 8 KONPETENTZIAK + DESKRIPTORE OPERATIBOAK.png

ABATARRA AUTOEBALUATZEKO ERRUBRIKA (3).png

ZER EGINGO DUGU?

Proiektu honetan gure eskola ortura hurbilduko gara, han dagoena aztertu eta bertako produktuekin errezeta goxo goxoak eta osasuntsuak egingo ditugu!

Gogoratu gaiaren amaieran Poké-Jakintzak aldizkariaren hirugarren alea idatziko dugula, baita hirugarren domina irabazi ere.

Ekin diezaiogun lanari!

EBALUAZIO
TRESNAK

ABATARRA AUTOEBALUATZEKO ERRUBRIKA (1).png

ABATARRA AUTOEBALUATZEKO ERRUBRIKA (5).png

ABATARRA AUTOEBALUATZEKO ERRUBRIKA (4).png

HASIERAKO KPSI

Aurre-ezagutzetarako KPSI fitxa banaka beteko dugu. Fitxa horretan
landuko dugun proiektuaren inguruko baieztapen batzuk agertuko dira eta guk baieztapen horiek badakizkigun edo ez adieraziko dugu, zintzotasunez.

Copia de Markatu X bat zure ezagutza-mailari dagokion laukian, honako baieztapen hauen ara

DAKIDANA, DAKIGUNA

Azter-lanari ekin baino lehen landuko dugunaren inguruan zer dakigun eta zer jakin nahi dugun eztabaidatuko dugu. Horretarako oinarrizko talde txikietan orri birakaria teknika kooperatiboa erabiliz dakiguna eta jakin edo ikasi nahi duguna jasoko dugu. Ondoren talde handian denon artean jasotakoa komunean jarri egingo dugu.

LANDA KOADERNOA

Gure landa-koadernoa sortuko dugu, egunero klasean zein baratzean egiten ditugun jarduerak idazteko eta haien jarraipena egiteko. Landa-koadernoa edo landa-egunkaria hainbat arlotako ikertzaileek landa-lanak egiten dituztenean oharrak egiteko erabiltzen duten tresna bat da, eta guk eskola ortua eta hura inguratzen duten kontzeptuak ikertuko ditugunez gure landa koadernoa osatuko dugu.

HAZIAK ERNETZEN

Hazien erneketaren inguruko bideoa talde handian ikusi eta ondoren guztion artean komentatuko dugu.

HAZIEN ERNEKETA GALDERA FITXA

Ondoren, ikusitako bideoaren galdera fitxa taldeka erantzungo dugu, 1-2-4 teknika erabiliz. Hots, lehenengo banaka, ondoren binaka eta azkenik talde txiki osoak..

HAZI MOTA EZBERDINAK ERNETZEN!

Talde bakoitzari hazi mota ezberdin batzuk banatuko zaizkizue: dilistak, inddabak, kalabaza... eta jogur pote batean lur pixka batekin edo kotoiarekin ernetuko ditugu, ondoren egunero edo egunik egun behatzeko eta prozesua gure Landa Koadernoan jasotzeko.

KONPOSTA EGITEKO PAUSUEN
BIDEOA

HAZIEN ERNEKETA LAPBOOK-A

Banaka hazien erneketaren lapbooka egingo dugu, eta lapbook-ean agertzen diren pausu bakoitzean bere azalpena edo hitz klabeak apuntatuko ditugu.

Hazien erneketaren inguruko bideoa talde handian ikusi eta ondoren guztion artean komentatuko dugu.

POSTERRA

Behin konposta zer den eta nola eigten den aztertuta, benetako konposta bat egingo dugu gure eskola orturako, iraunkorra sustatuz eta kimikoen erabilera saihestuz.

ORTUA AZTERTZEKO FITXA

Ortuan aztertutakoaren fitxa arkatzak erdira teknikarekin taldean beteko dugu. Hots, irakasleak «arkatzak erdira!» esango du eta ikasleek arkatzak utzi behar dituzue mahaiaren erdian. Bost minutuz hitz egin behar duzue kartan agertzen diren datuak aintzat hartuz fitxa ebazteko. Ados jarri behar zarete, hitz egin dezakezue, baina ez idatzi. Ados jartzen zaretenean ikasle bakoitzak arkatza hartu eta, isilik eta banaka, fitxa beteko duzue. Amaitzeko landa koadernoan itsatsi.

ESKOLA ORTUAREN
ARAUAK

Ortua zaintzeko arauak adostea, talde txikian folio birakaria teknikaren bitartez. Teknika honetan datza: banatu diguten fitxan banaka dakiguna idazten joango gara, kide bakoitza berak dakiena idatziko du, eta kide batek bukatzean alboan duenari igaroko dio orria, orria taldekide guztien artean biratuz. Amaieran talde bakoitzak orri horretan jaso duena talde handian (ikaskide guztien aurrean) komentatuko du eta gero talde handian ofiziala osatuko dugu.

INFORMAZIO FITXAK

Taldeka ortuko zenbait fruitu eta barazkien informazio fitxa CANVA bidez osatuko dugu (izena,argazkia, jatorria,...)

LANDAREEN ETIKETAK

Aurreko fitxaren QR kodea sortzea eta orturako etiketak egingo ditugu CANVA bidez izena, izen zientifikoa, argazkia eta aurreko QR kodea erantsiz.

EREINTZA EGUTEGIA

Ereintza egutegia sortuko dugu, taldeka, baina bakoitzak bere egutegitxoa eigngo du. Honen bidez ortuan ditugun fruitu eta barazki ezberdinak noiz landatu ditzakegun errez jakingo dugu.

ESKOLA ORTURAKO TXORIMALOA

Eskola orturako Txorimaloa sortuko dugu etxeko zein
eskolako material birziklatuekin: plastikozko botilak, tapak... eta abarrekin.

NEGUTEGI EFEKTUA
ESPERIMENTUA

Negutegi efektua esperimentua hasi egingo dugu, eta hasteko hipotesiak formulatu egingo ditugu, eta ondoren esperimentua bera egingo dugu. Esperimentuaren prozesua
landa-koadernoan jasoko dugu, eta arkatzak erdira teknika erabiliz taldeetan esperimentuaren inguruko galderak erantzutea eta fitxa landakoadernoan itsastea.

ERREZETA JARRAIBIDE
TESTUA

Errezeta jarraibide testu mota landuko dugu. Horretarako errezeta bat irakurriko, bere egitura aztertuko dugu eta testu lokailuak ere landuko ditugu. Ondoren, errezeta bat idazten
badakigula orain gurea idatziko dugu, beraz banaka, bakoitzak ortuko osagai ezberdinekin errezeta bat aukeratu eta horren errezeta testua idatziko duzue. Azkenik, idatzitako errezetak aurkeztuko ditugu, eta guztienak bilduz
errezeta bilduma osatuko dugu.

POKÉ-JAKINTZAK ALDIZKARIA HIRUGARREN ALEA

Poké-Jakintzak aldizkaria berridazteko laguntza eskatu digu Aiko Doktoreak, beraz, adizkariaren hirugarren alea osatuko dugu. Bertan orain arte egindako jarduera eta lanak bilduko ditugu. Egizue klik alboko ikonoan aldizkariaren atalera joateko.

pokejakintzak (Post de Instagram) (1).png

HIRUGARREN GIMNASIOA
BELAR DOMINA

Proiektua amaitu baino lehen Pokémon entrenatzaile bezala gure hirugarren domina lortu behar dugu. Gogoratu, zenbat eta domina gehiago izan gure Pokémon entrenatzaile karnetan orduan eta entrenatzaile trebeagoak bihurtuko gara. Horretarako hirugarren gimnasiora joan eta Gardenia entrenatzailea garaitu behar dugu Belar domina irabazteko eta gure karnetean itsasteko. Goazen! BILDU GUZTIAK!

AMAIERAKO KPSI

Amaierako KPSI fitxa banaka beteko dugu. Fitxa horretan
landu dugun proiektuaren inguruko baieztapen batzuk agertuko dira eta guk baieztapen horiek badakizkigun edo ez adieraziko dugu, zintzotasunez.