POKÉMON GURE MUNDUA - 1. MAILA

ABENTURA HASTERA DOA!

Aiko doktoreak ikerlari eta idazle gazteen bila dabil Bilboko Pokémon artxibo nagusiko sutean galdutako dokumentuak eta horien jakintzak berreskuratzen lagunduko dion ikerlari-taldea eratzeko.

Ikerlari-taldea aurkezteko taldekideek bere burua eta ingurua aztertu eta deskribatu behar dute, baina… gure burua ezagutzen dugu? Eta inguratzen gaituen jendartea eta tokiak?

Mundu honetako hiritar eta partaide bezala, jakingo genuke gure burua eta inguratzen gaituen gizartea kokatzen?

IKUSI MAILA HONETAKO TRAILERRA

Naranja Negocios Servicios Sitio Web (3).png

IRAKASLEARENTZAKO GIDA

ZER EGINGO DUGU?

Proiektu honetan Pokémon ikerlari eta entrenatzaile moduan kurtsoan zehar biziko dugun abenturari hasiera emango diogu.

Hasiera horretan gure inguruarengan eta gure bazterrengan jarriko dugu begirada. Gure auzoa, herria, eskualdea, probintzia eta herrialdea aztertu eta ezagutuko ditugu jarduera eta lan ezberdinen bitartez. Jarduerak eta horien sekuentzia eskuman kokatuta dagoen dokumentuan aurkituko dituzue.

Gogoratu gaiaren amaieran Poké-Jakintzak aldizkariaren lehenengo alea idatziko dugula.

Eman diezaiogun hasiera gure abenturari!

EBALUAZIO
TRESNAK

ABATARRA AUTOEBALUATZEKO ERRUBRIKA (3).png

ABATARRA AUTOEBALUATZEKO ERRUBRIKA (2).png

ABATARRA AUTOEBALUATZEKO ERRUBRIKA (1).png

Dakidana, dakiguna

Azter-lanari ekin baino lehen landuko dugunaren inguruan zer dakigun eta zer jakin nahi dugun eztabaidatuko dugu. Horretarako oinarrizko talde txikietan orri birakaria teknika kooperatiboa erabiliz dakiguna eta jakin edo ikasi nahi duguna jasoko dugu. Ondoren talde handian denon artean jasotakoa komunean jarri egingo dugu.

Entrenatzaile karneta

Pokémon entrenatzaile moduan erregistratu behar gara abenturan aurrera egiteko. Horretarako gure "Pokémon entrenatzaile karneta" sortuko dugu gure datuak erregistratuz. Karneta hori gure abentura osoan gurekin eramango dugu, eta domina bat irabazten dugun bakoitzean bertan itsatsiko dugu. Zenbat eta domina gehiago orduan eta entrenatzaile hobeagoak izango gara!

Pokémon abatarra

Entrenatzaile karneta badaukagu baina Pokémon entrenatzaile gisa gure abatarra sortu beharra dugu! Pókemon trainer creator programaren bidez gure abatarra sortu eta gure ibilibidean lagunduko gaituen Pokémon-a aukeratuko ditugu. Ikusi eskumako bideo tutoriala nola egin jakiteko!

Taldeko koadernoa

Talde txikien lan jarduera erregistratzeko eta rolak eta ardurak banatzeko erreminta izango dugu taldeko koadernoa.

Pokémon kartak aztertzen

Ikerketa-talde txikietako lehendabiziko jarduera kooperatiboa egingo
dugu. Etxetik zuen Pokémon kartak ekarriko dituzue (aurreko egunetan agendan ohar gisa apuntatuko duzue) eta karta horiek aztertuko ditugu.

Arkatzak erdira teknika erabiliz taldekideek ateratako karten azterketa fitxa beteko duzue.

Analizamos cartas Pokémon - Teach and Scrap.pdf.png

Nire auzoa aztertzen

Hemendik aurrerako lan sekuentzia hurrengoa izango da: auzoa > herria > eskualdea > probintzia > herrialdea.

Bakoitzari bere auzoa deskribatzeko txantiloi bat emango zaio, zeinetan hurrengo alderdiak jorratu beharko dituen: auzoaren izena, auzoak herrian duen kokapena, auzoan aurkitzen den monumenturen bat, auzoan aurkitzen diren dendak eta zerbitzuak (supermerkatua, polikiroldegia, bankua, turismo bulegoa… etab.).

Irteera herritik eta
Turismo Bulegora

Irteera egingo dugu herritik eta herriko turismo bulegora. Irteera bukatu ostean ikasgelan honako fitxa hau taldeka beteko dugu irteerari buruz daukagun iritzia emateko.

Garraioak eta garraio
publikoa

ABATARRA AUTOEBALUATZEKO ERRUBRIKA (4).png

Herritik zehar eta horretik kanpo bidaiatzeko zer-nolako garraioak erabiltzen ditugun aztertuko ditugu. Hortaz gain kutsadurari buruz ere arituko gara. Garraio publiko bat aukeratu eta horren ordutegiak eta geltokiak biltzen dituen poster informatiboa diseinatuko dugu CANVA aplikazioaren bidez.

ABATARRA AUTOEBALUATZEKO ERRUBRIKA (5).png

Gure eskualdea
ezagutzen

Turismo bulegoak esleitutako Uribeko (gure eskualdeko) txiki turismo gida aintzat hartuz gure eskualdea osatzen duten herri ezberdinak ezagutuko ditugu. Horretarako oinarrizko talde txikietan talde banari gida ale bat banatuko zaizue, eta gida horretatik talde bakoitzak gutxienez gustuko dituzuen 3 herri hautatu beharko dituzue, herriak taldeen artean errepikatzen ez direla ziurtatuz. Ondoren hautatzen dituzuen 3 herri horien datu garrantzitsuenak biltzen dituen posterra egingo duzue.

Auzotik herrialdera
aurkezpen interaktiboa

Poké-Jakintzak aldizkariaren
lehenengo alea idaztea

Poké-Jakintzak aldizkaria berridazteko laguntza eskatu digu Aiko Doktoreak, beraz, adizkariaren lehenengo alea klasekide guztion artean idatziko dugu. Bertan orain arte egindako jarduera eta lanak kontatuko ditugu. Egizue klik alboko ikonoan aldizkariaren atalera joateko.

pokejakintzak (Post de Instagram) (1).png

ABATARRA AUTOEBALUATZEKO ERRUBRIKA (6).png

ABATARRA AUTOEBALUATZEKO ERRUBRIKA (7).png

LEHENENGO GIMNASIOA
LIGNITO DOMINA

Proiektua amaitu baino lehen Pokémon entrenatzaile bezala gure lehen domina lortu behar dugu. Gogoratu, zenbat eta domina gehiago izzan gure Pokémon entrenatzaile karnetan orduan eta entrenatzaile trebeagoak bihurtuko gara. Horretarako lehenengo gimnasiora joan eta Roko entrenatzailea garaitu behar dugu Lignito domina irabazteko eta gure karnetean itsasteko. Goazen! BILDU GUZTIAK!

Herriko maketa
kooperatiboa

Auzoak eta herria bera landu ostean herriaren maketa egingo dugu denon artean. Lehendabizi talde txikietan lan egingo dugu. Talde bakoitzari herriaren auzo bat (edo bi, kopuruaren arabera) esleituko zaio eta etxetik, ikasgelatik eta ingurutik bildutako material birziklatuekin (kartoiak, plastikoak, edo dena delakoak) auzoaren maketa sinplea eraiki egingo duzue. Behin bukatuta auzo guztiak batu eta herri osoa osatzen duen maketa kooperatiboa osatuko dugu. Osatu dugun maketari argazkiak aterako dizkiogu Poké-Jakintzak aldizkariaren lehenengo alean jartzeko.