IKASKUNTZARAKO DISEINU UNIBERTSALA (IDU)

IKASKUNTZARAKO DISEINU UNIBERTSALA (IDU)

Eguerdi on IG klaustrokideok! Gaurkoan info post batekin nator, gaurko gaia: Ikaskuntzarako Diseinu Unibertsala (IDU, gaztelaniaz DUA, Diseño Universal para el Aprendizaje).

Ikaskuntzarako Diseinu Unibertsala (IDU) hezkuntza-praktikaren eta -ikerketaren emaitzetan, ikaskuntzaren teorietan, teknologietan eta neurozientziako aurrerapenetan oinarrituta, irakaskuntzaren begirada eta ikuspegi inklusiboa eta praktikan aplikatzeko proposamenak uztartzen dituen eredua da.

Diseinu unibertsalaren kontzeptutik abiatuta hiru printzipio proposatzen ditu:

1. Askotariko inplikazio moduak eskaintzea:

- Intereserako askotariko aukerak eskaintzea

- Esfortzuari eta iraunkortasunari eusteko askotariko aukera eskaintzea

- Auto-erregulaziorako askotariko aukerak eskaintzea

2. Askotariko irudikatze moduak eskaintzea

- Pertzepziorako askotariko aukerak eskaintzea

- Hizkuntzarako, adierazpen matematikoetarako eta sinboloetarako askotariko aukerak eskaintzea

- Ulermenerako askotariko aukerak eskaintzea

3. Askotariko ekintza eta adierazpen moduak eskaintzea

- Ekintza fisikorako askotariko aukerak eskaintzea

- Adierazpen eta komunikaziorako askotariko aukerak eskaintzea

- Funtzio exekutiboetarako askotariko aukerak eskaintzea

Irakasleei curriculumaren diseinua aberasteko eta malgutzeko, egon daitezkeen oztopoak murrizteko eta ikasle guztiei ikasteko aukerak emateko esparrua errazten die.

Horregatik, eredu teoriko-praktiko honek 2030 Agendaren Garapen Iraunkorreko Helburua (GIH4) lortzen laguntzeko duen ahalmena aitortzen da: «Hezkuntza inklusiboa eta kalitatezkoa bermatzea eta guztiontzako ikaskuntza-aukerak sustatzea».

#IDU#ikaskuntzarakodiseinuunibertsala#DUA#diseñouniversaldelaprendizaje#epe#ope#infopost#innovahezkuntza#innovaeducation#lehenhezkuntza#hezkuntza#educacion